كلها مستغربة من محمد رمضان؟ ليه كل شوية يظهر بلبس غريب أو يعمل تصرف صادم؟
خليكوا عارفين… هو مش بيغلط، هو بيلعب لعبة ذكية!
محمد رمضان، زيه زي ليدي جاجا وكانييه ويست، وأغلب التيكتوكر بيعتمدوا على حيلة نفسية معروفة:
"استفز الجمهور... وخليهم يتكلموا عنك!"
يعمل حاجة مستفزة جدًا، وهو عارف إن الناس هتضايق، وتهاجمه، تسخر منه، بس في النهاية:
اسمه هيبقى في كل بوست، وعلى كل لسان!
الشهرة دلوقتي مش شرط تكون بالحب…
ممكن تكون بالهجوم، بالسخرية، أو حتى بالجدل
المهم إنه يفضل حديث الناس، وده كفاية عشان يحقق مكاسب.
والملفت ، إنه بيلعب على نغمتين عكس بعض تمامًا:
من شهر بس، في رمضان، كان بيصوّر نفسه وهو بيوزع فلوس عشوائيًا على الناس في الشارع، وبيساعد الغلابة،
وبعد رمضان؟ يظهر بشكل غريب، يلبس لبس يشبه ملابس النساء، ويبقي تريند ساخر ومستفز!
يعني هو بنفسه بيرسم صورتين لنفسه:
1. صورة "الراجل الطيب الكريم اللي بيحب الخير"
2. وصورة "الشخص المتمرد المختلف اللي بيكسر التقاليد"
والتنقل بين الصورتين مش عشوائي… دي طريقة مدروسة للتأثير على الجمهور كله، باختلاف أذواقه.
وهو بنفسه بيقول إنه بيتعامل مع نفسه كبراند، زي كريستيانو بعلامته CR7، هو بيقدّم "محمد رمضان" كعلامة تجارية.
فلو لسه مستغرب أو بتسأل "هو ليه بيعمل كده؟"
اعرف إنك مش بس بتتفرج… أنت جزء من اللعبة!
---
السؤال المهم:
هل فعلاً بنتكلم عن الغلط علشان نحاربه؟ ولا علشان نساعده ينتشر؟
أحيانًا… السكوت عن العبث، بيكون أعلى درجات الوعي!
قال ﷺ: "من كان يؤمن بالله واليوم الآخر، فليقل خيرًا أو ليصمت".
